VIELHA (LLEIDA), 2 (EUROPA PRESS)
Eth sindic d'Aran, Francès Boya, a assegurat aué qu'eth Conselh pense acudir as Corts, ena sua volentat de preservar es drets politics dera zòna ena naua organizacion territoriau de Catalonha. "Eth Conselh demanarà ath Congrès eth que no nos pogue dar Catalonha", a avertit dempús qu'era Generalitat aprovèsse aué eth projècte de vegueries, qu'includís er Aran ena vegueria deth Naut Pirineu e Aran.
No a descartat atau presentar ua proposicion ath Congrès pr'amor que s'autrege un estatus diferenciat ena Val d'Aran quan se volguen modificar es limits provincials. Damb açò, a reconeishut en un comunicat qu'"Aran no pòt negar a Catalonha eth dret d'organizar eth sòn territòri, però sí exigís era preservació deth sòn autogovèrn, defenut pes aranesi al llarg de sègles".
Eth Conselh d'Aran tanben demanarà supòrt ath Proòm --eth Defensor deth Pòble aranés-- per preservar es drets politics ena naua organizacion territoriau, e reclamarà as grops deth Parlament que prenen en consideració era peticion unànime deth plen deth Conselh pr'amor qu'Aran demore al marge de quaussevolh demarcacion territoriau que no sigue eth pròpri.
Eth sindic a reclamat "ligar eth pacte" tant damb es grops aranesi coma damb es institucions catalanes ena defensa der autogovèrn, e a prepausat méter en marxa ua ponència conjunta ath Parlament per tramitar era naua lei de regim especiau, qu'a de revisar e actualizar era nòrma vigenta, de 1990, atau com establir er Estatut deth 2006. Aguesta proposicion, qu'implicarie toti es grops parlamentaris, obtenguec er acòrd unànime dera maxima institucion aranesa.
Eth projècte de lei d'organizacion de Catalonha en sèt vegueries, qu'aué a aprovat eth Govèrn, intègre era comarca de Val d'Aran ath conselh de vegueria deth Naut Pirineu e Aran. Es institucions araneses ja auien manifestat que no acceptarien qu'Aran demorèsse includida en auta division territoriau catalana que no siguesse era madeisha, e eth sindic ja menacèc damb trincar er acòrd entre eth sòn partit --Unitat d'Aran-- e eth PSC se no se respectaue era volentat aranesa.
