CEUTA 5 Dic. (EUROPA PRESS) -
Un grop d'uns 250 immigrants subsaarians a sajat entrar a Ceuta aguest dijaus a prumèra ora deth maitin a trauès dera frontèra deth Tarajal, a on an estat refusadi pes Fòrces de Seguretat marroquines e efectius dera Guàrdia Civiu e era Policia Nacionau, que s'an esforçat ath maxim per evitar-ne er accès ath territòri espanhòl, segons an informat hònts policères a Europa Press.
Sonque un des indocumentats a artenherut entrar en territòri espanhòl, en tot en·hilar-se as òbres deth pas termierèr nau entà portaires qu'eth Ministèri der Interior abilite just ath cant der oficiau. Quan sajaue escalar eth blòc a on se place eth Centre Operatiu de Servicis dera Guàrdia Civiu ena frontèra, eth subsaarian a queigut a tèrra des de diuèrsi mètres de nautada.
Er immigrant a estat entrat en Espitau Universitari dera ciutat autònoma, maugrat que no se tem pera sua vida.
