MADRID, 10 (EUROPA PRESS)
Er enviat especiau deth diari 'Eth Mundo' Javier Espinosa e eth fotògraf freelance catalan Ricardo García Vilanova se trapen sequestradi des deth passat 16 de seteme a Síria per un grop parion a Al-Qaida, segons informe eth diari dirigit per Pedro J. Ramírez ena sua edicion d'aguest dimars.
Es reportaires an estat sequestradi ath cheekpoint de Tau Abyad, ena província de Raqqa, a escassa distància de Turquia, ath cant de quate combatents d'Ahfad ath Moustapha, ua des brigades FSA (Free Sirian Army), maugrat qu'aguesti darrèri sigueren desliuradi 12 dies dempús.
Eth periodista e eth reportaire, sequestradi quan deuien abandonar eth país dempús dues setmanes en tot corbir es consequéncies dera guèrra enes civius dera província de Deir Ezzor, sigueren capturadi pes membres der ISIS --Estat Islamic der Iraq e Síria, era organizacion radicau installada en país arab procedent deth vesin Iraq.
