RIGA 22 Nov. (Reuters/EP) -
Era policia letona a elevat aguest diuendres a 32 es victimes mortaus provocades per ensorrament deth plafon d'un supermercat a Riga dempús qu'es equips de rescat agen artenherut recuperar mès còssi deth tarcum, a on se cre qu'encara poderie auer-i mès persones atrapades.
Era portavotz dera policia letona, Sigita Pildava, a indicat ara agéncia estatau LETA qu'enquias 11.00 ores s'an recuperat 32 victimes mortaus dempús era tragèdia, ua des pitjors deth país.
Es grues an lheuat granes plaques de tarcum des rèstes deth supermercat Maxima, situat en un suburbi de Riga, per sajar trapar es desapareishudi dempús qu'eth plafon se desplumèsse dijaus ara tarde quan er establiment ère plen de clients. Eth supermercat auie uns 500 mètres quarrats.
