Foto: FCB
BARCELONA, 9 (EUROPA PRESS)
Eth president deth FC Barcelona, Sandro Rosell, poderie déuer declarar coma imputat s'era Audiència Nacional admet a tramit era brega presentada dijaus passat per un des impulsors de 'Consultacion Barça' per resòlver era presomptiva 'distraccion' de 40 milions d'èuros dera inscripcion de Neymar Jr, qui deuerie declarar coma testimòni.
En declaracions a Europa Press, er avocat deth querellant, Jordi Cases --propulsor dera falhida mocion de censura còntra Rosell pel 'cas Qatar' --, revelèc qu'er objectiu dera brega ei, ath delà des declaracions de Rosell e Neymar, eth liurament des contractes signadi.
En concrèt, exigissen era presentacion der acòrd entre eth FC Barcelona e era societat N&N (Neymar i Neymar), qui s'aurie demorat damb 40 des 57,1 milions d'èuros dera inscripcion. Maugrat que Rosell no s'age apropiat d'aguesti 40 milions, "deu explicar eth perquè d'auer pagat aguesta quantitat" ara societat deth pair deth jogador.
