LONDRES 11 Dic. (Reuters/EP) -
Era Cort Suprèma britanica a arreconeishut aguest dimèrcles oficiaument era Cienciologia coma ua religion e a decretat qu'es sues glèises son lòcs enes quaus se pòt contractar matrimòni legaument.
Era senténcia deth Naut Tribunau da era rason a Louisa Hodkin, ua hemna ara quau es autoritats proïbiren hèr eth sòn maridatge en ua capèla dera Glèisa dera Cienciologia a Londres damb er argument que no ère un lòc a on se podesse contractar matrimòni. Es autoritats utilizèren ua resolucion deth 1970 que decretaue qu'era Cienciologia no ère considerada coma religion perque no implicaue eth culte religiós.
Eth Suprem admetec a tramit de manèra unanima eth recors presentat per Hodkin per, dempús, sentenciar qu'era resolucion deth 1970 ère anacrònica ena sua definicion d'adoració religiosa coma "reverència o veneració per Déu o per un èster suprèm".