BARCELONA 13 Nov. (EUROPA PRESS) -
Era prumèra plantilha deth FC Barcelona a tornat aguest dimèrcles en trabalh dempús dus dies de pòsa e ac a hèt en ua session damb sonque sèt jogadors, pr'amor der èxode d'internacionaus e que bèri uns integrants s'an exercitat en marge, mentre que Leo Messi a iniciat era sua recuperacion.
Er argentin, que serà entre sies e ueit setmanes de baisha per ua lesion ath bíceps femoral dera cama esquèrra, e que per tant no jogarà enquiath 2014, a començat un trabalh de recuperacion a Barcelona e acabarà a Buenos Aires, acompanhat d'un recuperador dera sua fidança.
Jordi Alba tanben seguís damb era sua recuperacion, mentre qu'es tocadi Cesc Fàbregas e Gerard Piqué, baishes entàs compromesi amistosi damb Espanha, an hèt trabalh especific ath marge deth redusit grop.
