MADRID 18 Nov. (EUROPA PRESS) -
Era morositat des crèdits concedidi pes bancs, caishes, cooperatives e establiments financèrs de crèdit (EFC) a particulars e enterpreses a escalat enquiath 12,67% eth mes de seteme, respecte deth 12,12% enregistrat eth mes anterior, en tot mercar atau un nau recòrd istoric d'ençà qu'eth Banc d'Espanha recopila aguestes dades.
Segontes es dades hètes publiques aguest deluns pera institucion que dirigís Luis María Linde, era chifra totau de crèdits dubtosos s'a situat en 187.830 milions d'èuros e se manten apròp des nivèus prèvis ath rescat bancari, maugrat que compòrte ua aumentacion de 6.888 milions d'èuros respecte der agost.
Era araba enregistrèc descensi eth deseme deth 2012 e hereuèr d'aguest an pes efèctes comptables deth traspàs d'actius ara Societat gestora d'actius procedents dera reestructuracion bancària (Sareb), prumèr per part des nacionalitzades (Bankia, NCG Banc e Catalonha Caisha) e dempús pes entitats deth grop 2 (Ceiss, BMN e Caja3).
