VIELLA (VAL D'ARAN), 27 d'octobre (EUROPA PRESS)
Era directora generau deth miei naturau, Núria Buenaventura, a afirmat aué qu'era Generalitat contunharà damb eth procès de reintroduccion der os en Pirineu, ja qu'era agression que patic un caçador dijaus per part der os Hvala ei "un incident isolat".
Tot i això, eth Conselh Generau d'Aran reïtère que no a modificat era sua oposicion ara reintroduccion der os.
Atau ac an manifestat es dues administracions aué a Viella durant ua reünion ena quau tanben a estat representat eth ministèri de Miei Ambient, e Miei Rural e Marí per part deth coordinador dera Direccion Generau deth Miei Naturau e de Politica Forestau, Sixto Martínez del Valle, qu'a refusat hèr declaracions durant era arròda de premsa.
Eth sindic d'Aran, Francèsc Boya, a demanat ara administracion que "se pare eth programa Life dera reintroduccion der os, e que no se jògue mès a provar experiments que perjudiquen er os e eth territòri aranés".
Boya s'a comprometut a hèr ua captura damb seguretat per restaurar era calma dempús era recenta agression, maugrat qu'a avertit qu'er os pòt passar era frontèra a França.
Núria Buenaventura a afirmat qu'era Generalitat meterà toti es mejans possibles pr'amor que no se repetisque cap de cas coma eth dera setmana passada.
Entà açò se crearà un equip tecnic que hèsque un seguiment der os en Pirineu. Degut ath gran volum de poblacion d'os ena Val d'Aran, se formarà un equip mès complèt entà aguest territòri.
Diuendres, eth Conselh Generau a demanat era collaboracion deth còs d'Agents Rurals dera Generalitat e der equip tecnic dera administracion francesa, maugrat qu'es tecnics francesi no an responut positiuament ara peticion deth sindic.
