BARCELONA 21 Dic. (EUROPA PRESS) -
Eth catalan a creishut en nombre de parlants enes darrèri dètz ans, en qué era poblacion a aumentat un 20% pera arribada d'immigrants, segons senhale er Informe sus era Lengua Catalonha (2010), elaborat peth Hilat Cruscat de l'Institut d'Estudis Catalans (IEC) per encàrrec der Observatòri dera Lengua Catalana.
Malgrat eth cambi demogràfic, es parlants de catalan an creishut en 500.000 persones e s'apròpen as 10 milions, ua clara majoria sus eth totau dera poblacion en territòri de parla catalana, uns 13,6 milions.
Segontes er estudi, eth catalan se consolide coma ua lengua de demografia mejana entre es 100 lengües mès parlades en món.
Segontes es responsables der informe, "era lengua catalana no pòt èster considerada minoritària, senon qu'es sòns parlants an dret a un tracte igualitari entre es lengües der Estat e d'Europa que sonque pòt èster negat per prejudicis politics sense justificacion democratica".
