LHÈIDA 28 Nov. (EUROPA PRESS) -
Es Mòssos d'Esquadra an detengut a Lleida ua hemna de 34 ans per presomptivament tustar era sua hilha de 12 ans, e a passat era net en comissaria per un delicte pera violéncia domestica, an confirmat a Europa Press hònts dera policia catalana.
Era net d'aguest dijaus era mendra gessec ath carrèr a demanar ajuda as vesins comptant qu'era sua mair l'auie tustat as braci e mossegat ara cama, segons an publicat aguest dijaus es diaris 'Segre' e 'Era Mañana'.
Era gojata siguec trasladada ar Espitau Arnau de Vilanova de Lleida, a on siguec atenguda des lesions que patie e dempús siguec remetuda pes Mòssos d'Esquadra ath sòn pair; era detenguda passarà enes pròplèus ores a disposicion judiciau.
