BARCELONA 2 Dic. (EUROPA PRESS) -
Era presidenta deth PP catalan, Alicia Sánchez-Camacho, a avertit aguest deluns eth secretari generau deth PSOE, Alfredo Pérez Rubalcaba, qu'eth contèxte que trauèsse Espanha desaconselhe "experiéncies" coma era reforma dera Constitucion en un sentit federau qu'a defenut eth lidèr socialista aguest dimenge a Barcelona.
En arròda de premsa, a argumentat qu'"es experiéncies no son bones, especiaument en moments de nauta responsabilitat" coma er actuau, e a esgrimit que, s'eth PSOE governèsse, no defenerie era reforma dera Constitucion que promò ara.
Era dirigent populara a retrèt as socialistes era fauta d'"arguments de pes" per explicar eth sòn modèl federau, e s'a reafirmat ena vigéncia der Estat des autonomies damb petites retòques coma ua melhora deth finançament.
